announcement

မြန်မာနိုင်ငံကျောက်မျက်ရတနာလုပ်ငန်းရှင်များအသင်း (၂၀၂၂-၂ဝ၂၅)ခုနှစ်၊ ဆဋ္ဌမသက်တမ်းအလုပ်အမှုဆောင်နှင့် ဗဟိုအလုပ်အမှုဆောင်အဖွဲ့ ရွေးချယ်တင်မြှောက်ပွဲကျင်းပမည့်နေ့ရက်ဆိုင်းငံ့ကြောင်း အသိပေးကြေညာချက်

Language :

  • Home
  • About Us
  • News
  • Announcements
  • Contact Us

သတင်းများ

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲ စတုတ္ထမြောက်နေ့ ဆက်လက်ကျင်းပနေမှုကို မြန်မာ့ကျောက်မျက် ရတနာပြပွဲဗဟိုကော်မတီဥက္ကဋ္ဌ ကြည့်ရှုစစ်ဆေး

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲ စတုတ္ထမြောက်နေ့ကို ၅.၁.၂၀၂၀ ရက်နေ့တွင် နေပြည်တော်၊ မဏိရတနာကျောက်စိမ်းခန်းမ၌ ဆက်လက်ကျင်းပ ပြုလုပ်ခဲ့ပါသည်။   ယနေ့ (၁၂:၁၀) နာရီတွင် မြန်မာ့ကျောက်မျက်ရတနာပြပွဲဗဟိုကော်မတီဥက္ကဋ္ဌ၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ဒုတိယဝန်ကြီး ဒေါက်တာရဲမြင့်ဆွေ သည် ရောင်းချပွဲ ကျင်းပနေမှုကို ကြည့်ရှုစစ်ဆေးရာ ပြပွဲဗဟိုကော်မတီအတွင်းရေးမှူး မြန်မာ့ ကျောက်မျက်ရတနာ ရောင်းဝယ်ရေးလုပ်ငန်း ခေတ္တဦးဆောင်ညွှန်ကြားရေးမှူး ဦးမင်းသူနှင့် ပြပွဲဗဟိုကော်မတီဝင်များ၊ လုပ်ငန်းကော်မတီအသီးသီးနှင့် မြန်မာနိုင်ငံကျောက်မျက်ရတနာ လုပ်ငန်းရှင်များအသင်းမှ တာဝန်ရှိသူများ က သက်ဆိုင်ရာကဏ္ဍအလိုက် ရှင်းလင်းပြသခဲ့ကြ ပါသည်။   ၅.၁.၂၀၂၀ ရက်နေ့တွင် ကျောက်စိမ်းတွဲအမှတ် (၁) မှ (၁၂၅၀) ထိကို အိတ်ဖွင့်တင်ဒါစနစ်ဖြင့် ရောင်းချခဲ့ရာ အတွဲပေါင်း (၁၁၉၂) တွဲကို တန်ဖိုးငွေကျပ် (၁၈၈၂၄.၇၁၃) သန်းဖြင့် ရောင်းချ ခဲ့ရပါသည်။   ၆.၁.၂၀၂၀ ရက်နေ့တွင် အိတ်ဖွင့်တင်ဒါစနစ်ဖြင့် ရောင်းချမည့် ကျောက်စိမ်းတွဲအမှတ် (၁၂၅၁) မှ (၂၅၀၀) ထိကို ရတနာကုန်သည်များက စိတ်ကြိုက်စစ်ဆေးခဲ့ကြပြီး သက်ဆိုင်ရာ တင်ဒါပုံးများအတွင်းသို့ ဈေးနှုန်းပေးသွင်းလွှာများကို စနစ်တကျ ထည့်သွင်းခဲ့ကြပါသည်။   ဓာတ်ပုံ - မြန်မာ့ကျောက်မျက် Credit : Myanma Gems Enterprise

Read More...

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲသို့ မြန်မာ့ကျောက်မျက်ရတနာပြပွဲဗဟိုကော်မတီ နာယက၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်း ကြည့်ရှုအားပေး

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏ ကြီးကြပ်မှုဖြင့် မြန်မာ့ ကျောက်မျက်ရတနာပြပွဲဗဟိုကော်မတီက ကြီးမှူးကျင်းပပြုလုပ်သည့် ၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲ ကျောက်မျက်တွဲများနှင့် ကျောက်စိမ်းတွဲ များ စတင်ခင်းကျင်းပြသရောင်းချခြင်းကို ၂.၁.၂၀၂၀ ရက်နေ့တွင် ကျင်းပပြုလုပ်ခဲ့ပါသည်။ယနေ့ (၁၁:၃၀) နာရီတွင် ရောင်းချပွဲသို့ မြန်မာ့ကျောက်မျက်ရတနာပြပွဲဗဟိုကော်မတီ နာယက၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်း တက်ရောက် ကြည့်ရှုအားပေးခဲ့ပါသည်။ပြည်ထောင်စုဝန်ကြီးနှင့်အတူ မြန်မာ့ကျောက်မျက်ရတနာပြပွဲဗဟိုကော်မတီဥက္ကဋ္ဌ သယံဇာတ နှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဒုတိယဝန်ကြီး ဒေါက်တာရဲမြင့်ဆွေ၊ အမျိုးသား လွှတ်တော်သယံဇာတနှင့်သဘာဝပတ်ဝန်းကျင်ထိန်းသိမ်းရေးဆိုင်ရာကော်မတီဥက္ကဋ္ဌ ဦးကျော်သီဟ၊ အမြဲတမ်းအတွင်းဝန် (သတ္တုရေးရာ) ဦးမင်းမင်းဦး၊ ပြပွဲဗဟိုကော်မတီဝင်များ၊ မြန်မာနိုင်ငံကျောက် မျက်ရတနာ လုပ်ငန်းရှင်များအသင်းချုပ် ဥက္ကဋ္ဌ ဦးလဖိုင်ခွန်ဆာနှင့် ဗဟိုအလုပ်အမှုဆောင်များ၊ တာဝန်ရှိသူများနှင့် ပြပွဲဆိုင်ရာ လုပ်ငန်းကော်မတီအသီးသီး မှ တာဝန်ရှိသူများ တက်ရောက်ခဲ့ကြပါသည်။ပြည်ထောင်စုဝန်ကြီးသည် ကျောက်ခင်းကွင်းနယ်မြေများရှိ ကျောက်စိမ်းတွဲများ ခင်းကျင်း ထားရှိမှုအခြေအနေကို ကြည့်ရှုစစ်ဆေးရာ မြန်မာ့ကျောက်မျက်ရတနာပြပွဲဗဟိုကော်မတီအတွင်း ရေးမှူး မြန်မာ့ကျောက်မျက်ရတနာရောင်းဝယ်ရေးလုပ်ငန်း ခေတ္တဦးဆောင်ညွှန်ကြားရေးမှူး ဦးမင်းသူနှင့် သက်ဆိုင်ရာ တာဝန်ရှိသူများက ရှင်းလင်းတင်ပြခဲ့ကြပါသည်။၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲကို ဇန်နဝါရီလ (၂) ရက်နေ့မှ (၇) ရက်နေ့အထိ နေပြည်တော်၊ မဏိရတနာကျောက်စိမ်းခန်းမတွင် ကျင်းပပြုလုပ်သွားမည်ဖြစ်ပြီး ကျောက်မျက်တွဲ (၂၈၆) တွဲကို ၄.၁.၂၀၂၀ ရက်နေ့တွင်လည်းကောင်း၊ ကျောက်စိမ်းတွဲ (၃၆၉၅) တွဲကို ၅.၁.၂၀၂၀ ရက်နေ့မှ ၇.၁.၂၀၂၀ ရက်နေ့အထိလည်းကောင်း အိတ်ဖွင့်တင်ဒါစနစ်ဖြင့် ရောင်းချသွားမည်ဖြစ်ပါသည်။source : Myanma Gems Enterprise

Read More...

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲဆိုင်ရာ အသိပေးကြေညာချက်များ

၂၀၂၀ ခုနှစ်၊ ဇန်နဝါရီလ ကျောက်မျက်ရတနာများ မြန်မာကျပ်ငွေဖြင့် ရောင်းချပွဲဆိုင်ရာ အသိပေးကြေညာချက်များ 

Read More...

စစ်ကိုင်းတိုင်းဒေသကြီး ကျောက်မျက်ရတနာလုပ်ငန်းရှင်များအသင်း(စစ်ကိုင်း)၏ ဒုတိယအကြိမ် ကျောက်မျက်ရတနာ အချောထည်နှင့် ကျောက်စိမ်းတွဲများရောင်းချပွဲကျင်းပ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး၊ စစ်ကိုင်းတိုင်းဒေသကြီး ဝန်ကြီးချုပ်နှင့် ဝန်ကြီးများ၊ မြန်မာ့ကျောက်မျက်ရတနာ ရောင်းဝယ်ရေးလုပ်ငန်း (နေပြည်တော်)တို့၏လမ်းညွှန်မှုနှင့် မြန်မာနိုင်ငံ ကျောက်မျက်ရတနာ လုပ်ငန်းရှင်များ အသင်းချုပ်၏ ပံ့ပိုးကူညီမှုတို့ဖြင့် စစ်ကိုင်းတိုင်းဒေသကြီး ကျောက်မျက်ရတနာလုပ်ငန်းရှင်များအသင်း(စစ်ကိုင်း)မှ ဒုတိယအကြိမ် ကျောက်မျက်ရတနာ အချောထည်နှင့် ကျောက်စိမ်းတွဲများရောင်းချပွဲကို စစ်ကိုင်းမြို့၊ ခရိုင်ချင်းဆက်လမ်းရှိ "ထက်ကျော်" ကိုယ်ပိုင်အထက်တန်းကျောင်းတွင် (၁၈.၁၂.၂၀၁၉) မှ (၂၃.၁၂.၂၀၁၉)ရက်နေ့ထိ ကျင်းပမည်ဖြစ်ရာ ၁၈.၁၂.၂၀၁၉ ရက်(ဗုဒ္ဓဟူးနေ့) နံနက်(၁၁)နာရီတွင် ဖွင့်ပွဲအခမ်းအနား ကျင်းပခဲ့ပါသည်။       အခမ်းအနားသို့ စစ်ကိုင်းတိုင်းဒေသကြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးနှင့်အတူ မြန်မာနိုင်ငံကျောက်မျက် ရတနာ လုပ်ငန်းရှင်များအသင်းချုပ် ဥက္ကဋ္ဌ ဦးလဖိုင်ခွန်ဆာနှင့် ဗဟိုအလုပ်အမှုဆောင်များ၊ စစ်ကိုင်းတိုင်းဒေသကြီး ကျောက်မျက် ရတနာလုပ်ငန်းရှင်များအသင်း (စစ်ကိုင်း) ဥက္ကဋ္ဌ ဦးအောင်ကြီးနှင့် အလုပ်အမှု ဆောင်များ၊ အသင်းခွဲများမှ တာဝန်ရှိသူများ တက်ရောက်ခဲ့ကြပါသည်။   - MGJEA

Read More...

စစ်ကိုင်းတိုင်းဒေသကြီး ကျောက်မျက်ရတနာလုပ်ငန်းရှင်များအသင်း(စစ်ကိုင်း)နှင့် ထိုင်ဝမ်ကျောက်မျက်ရတနာလုပ်ငန်းရှင်များအသင်းတို့၏ နားလည်မှုစာချွန်လွှာ လက်မှတ်ရေးထိုးပွဲကျင်းပ

စစ်ကိုင်းတိုင်းဒေသကြီး ကျောက်မျက်ရတနာလုပ်ငန်းရှင်များအသင်း(စစ်ကိုင်း)နှင့် ထိုင်ဝမ်ကျောက်မျက်ရတနာလုပ်ငန်းရှင်များအသင်းတို့၏ နားလည်မှုစာချွန်လွှာ လက်မှတ်ရေးထိုးပွဲကို ၁၈.၁၂.၂၀၁၉ ရက်(ဗုဒ္ဓဟူးနေ့) နံနက်တွင် ပြုလုပ်ခဲ့ရာ စစ်ကိုင်းတိုင်းဒေသကြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးနှင့်အတူ မြန်မာနိုင်ငံကျောက်မျက် ရတနာ လုပ်ငန်းရှင်များအသင်းချုပ် ဥက္ကဋ္ဌ ဦးလဖိုင်ခွန်ဆာ၊ စစ်ကိုင်းတိုင်းဒေသကြီးကျောက်မျက် ရတနာလုပ်ငန်းရှင်များအသင်း(စစ်ကိုင်း) ဥက္ကဋ္ဌ ဦးအောင်ကြီးနှင့် အလုပ်အမှုဆောင်များ၊ အသင်းခွဲများမှ တာဝန်ရှိသူများ၊ ထိုင်ဝမ်ကျောက်မျက် ရတနာလုပ်ငန်းရှင်များအသင်းမှ ဥက္ကဌ Mr. Chang Wen-chin နှင့် တာဝန်ရှိသူများ တက်ရောက်ခဲ့ကြပါသည်။   - MGJEA

Read More...

ကျောက်မျက်နှင့်လက်ဝတ်ရတနာ သက်မွေးမှု နည်းပညာသင်တန်းကျောင်း နည်းပြ လျှောက်လွှာခေါ်ယူခြင်း

နေပြည်တော် (ရွှေကြာပင်) ကျောက်မျက်နှင့်လက်ဝတ်ရတနာ သက်မွေးမှု နည်းပညာသင်တန်းကျောင်း နည်းပြ လျှောက်လွှာခေါ်ယူခြင်း   

Read More...

Value Creation In Business" B2B မြန်မာ့စီးပွားထူးချွန်သူများနှင့်တွေ့ဆုံခြင်း အခမဲ့စီးပွားရေးဟောပြောပွဲ ကျင်းပ

"Value Creation in Business" B2B မြန်မာ့စီးပွားထူးချွန်သူများနှင့်တွေ့ဆုံခြင်း အခမဲ့စီးပွားရေး ဟောပြောပွဲကို မြန်မာနိုင်ငံ ကျောက်မျက် ရတနာ လုပ်ငန်းရှင်များအသင်းချုပ် ၊ မြန်မာ့ကျောက်မျက်ရတနာ အရောင်းခန်းမ(ကမ္ဘာအေး)၌ ၁၄.၁၂.၂၀၁၉(စနေနေ့) နေ့လည်(၂)နာရီတွင် ကျင်းပရာ ပါမောက္ခ ဆရာကြီး ဒေါက်တာအောင်ထွန်းသက် မှ Moderator အနေဖြင့် ဆောင်ရွက်ပြီး မြန်မာနိုင််ငံကျောက်မျက် ရတနာလုပ်ငန်းရှင်များအသင်းချုပ် ဥက္ကဋ္ဌ ဦးလဖိုင်ခွန်ဆာမှ Speaker အနေဖြင့် ဆွေးနွေးခဲ့ကြပြီး တက်ရောက်လာသူများ၏ မေးမြန်းချက်များကို ပြန်လည် ဖြေကြားခဲ့ကြပါသည်။   ဟောပြောပွဲ အခမ်းအနားသို့ မြန်မာနိုင််ငံ ကျောက်မျက် ရတနာလုပ်ငန်းရှင်များအသင်းချုပ် ဒုဥက္ကဌများ၊ အတွင်းရေးမှူးများနှင့် ဗဟိုအလုပ် အမှုဆောင်များ၊ နယ်အသင်းခွဲများမှ ဥက္ကဌများ၊ ဗဟိုအလုပ်အမှုဆောင်များနှင့် အလုပ်အမှုဆောင်များ၊ အသင်းဝင် အသင်းသားများ၊ ဖိတ်ကြားထားသော ဧည့်သည်တော်များ၊ စီးပွားရေးလုပ်ငန်းရှင်များ၊ စိတ်ပါဝင်စားသူများ တက်ရောက်ခဲ့ကြပါသည်။   - MGJEA 

Read More...

မြန်မာနိုင်ငံကျောက်မျက်ရတနာလုပ်ငန်းရှင်များအသင်း ပဉ္စမသက်တမ်း စီမံခန့်ခွဲရေးကော်မတီ၏ (၄/၂၀၁၉)ကြိမ်မြောက် အစည်းအဝေးကျင်းပ

မြန်မာနိုင်ငံကျောက်မျက်ရတနာလုပ်ငန်းရှင်များအသင်း ပဉ္စမသက်တမ်း စီမံခန့်ခွဲရေးကော်မတီ၏ (၄/၂၀၁၉)ကြိမ်မြောက် အစည်းအဝေးကို ၂၆.၁၁.၂၀၁၉ ရက်  နေ့လည်(၁)နာရီတွင် နေပြည်တော် မဏိရတနာကျောက်စိမ်းခန်းမ (အစည်းအဝေးခန်းမ)တွင် ကျင်းပရာ မြန်မာနိုင်ငံကျောက်မျက် ရတနာလုပ်ငန်းရှင်များအသင်း ဥက္ကဋ္ဌ ဦးလဖိုင်ခွန်ဆာနှင့် ဒုတိယဥက္ကဋ္ဌများ၊ အတွင်းရေးမှူးများ၊ အသင်း၏ ဥပဒေအကြံပေးများ၊ စီမံခန့်ခွဲရေးကော်မတီဝင်များ တက်ရောက်ကြပါသည်။    - MGJEA 

Read More...

မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်မှ ကြီးမှုး၍ Myanmar Gems Trade Centre( ရန်ကုန်) ပထမထပ်တွင် ရတနာအရောင်းဆိုင်ခန်းများအား ငှားရမ်း​မည်

မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်မှ ကြီးမှုး၍  Myanmar Gems Trade Centre( ရန်ကုန်) ပထမထပ်တွင် ရတနာအရောင်းဆိုင်ခန်းများအား ငှားရမ်းမည်   ၁။   မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်မှ ကြီးမှုး၍  Myanmar Gems Trade Centre( ရန်ကုန်) ပထမထပ်တွင် ရတနာအရောင်းဆိုင်ခန်းများအား ငှားရမ်းမည် ဖြစ်ပါသည်။   ၂။   ရတနာ အရောင်ဆိုင်ခန်းများ ငှားရမ်း၍ ကျောက်မျက်ရတနာ ရောင်းချလိုသူများ အနေဖြင့် မြန်မာ့ကျောက်မျက်ရတနာ အရောင်းခန်းမ(ပထမထပ်)တွင် လျှောက်လွှာတစ်စောင် ၂၀၀၀ကျပ်ဖြင့် ဝယ်ယူ၍ ဆိုင်ခန်းငှားရမ်းခွင့် လျှောက်ထားနိုင်ပြီ ဖြစ်ကြောင်း အသိပေးအပ်ပါသည်။ ကောင်တာ ၂ ပုံးပါ ၅ပေ ပတ်လည် ဆိုင်ခန်းတစ်ခန်းငှားရမ်းခမှာ (ကျပ်တစ်သိန်း + အခွန်အခနှင့် ဝန်ဆောင်ခ ကျပ်နှစ်သောင်း )စုစုပေါင်း ၁၂၀၀၀၀/- (ကျပ်တစ်သိန်းနှစ်သောင်းတိတိ) ကျသင့်မည် ဖြစ်ပါသည်။   ၃။   မြန်မာ့ကျောက်မျက်ရတနာ ရောင်းဝယ်ရေးလုပ်ငန်း၏ ကျောက်မျက်ရတနာရောင်းချခြင်း လုပ်ငန်းလိုင်စင် လျှောက်ထားခြင်း ကိုလည်း ကူညီဆောင်ရွက်ပေးမည် ဖြစ်သဖြင့် လုပ်ငန်းလိုင်စင်မရှိသူများလည်း ဆိုင်ခန်းရယူ လျှောက်ထားနိုင်မည် ဖြစ်ပါသည်။ စည်းကမ်းချက်များမှာ မြန်မာ့ကျောက်မျက်ရတနာ ရောင်းဝယ်ရေးလုပ်ငန်းမှ ထုတ်ပြန်ထားသော စည်းကမ်းများ အတိုင်းဖြစ်ပါသည်။   *****(မှတ်ချက် ။ အမှန်တကယ် ဆိုင်ခန်း ဖွင့်လှစ်မည့်သူများသာ လျှောက်လွှာ ဝယ်ယူရန် ဖြစ်သည်။)***     စျေးကွက်မြှင့်တင်ရေးနှင့် စည်းကမ်းထိန်းသိမ်းရေး ကော်မတီ မြန်မာ့ကျောက်မျက်ရတနာအရောင်းခန်းမ မြန်မာနိုင်ငံကျောက်မျက်လုပ်ငန်းရှင်များ အသင်းချုပ်ရုံး အမှတ် (၆၈)၊ ကမ္ဘာအေးဘုရားလမ်း၊ မရမ်းကုန်းမြို့နယ်၊ ရန်ကုန်တိုင်းဒေသကြီး 

Read More...